اوٹاوا کے قریب ایک چھوٹے جھیل پر 13 سال سے ایک وولوو S80 سیڈان گاڑی کھڑی ہے، جسے مقامی لوگ اور سیاح دلچسپی کے ساتھ دیکھتے ہیں۔
رپورٹ کے مطابق جزیرہ جو وولوو آئی لینڈ کے نام سے جانا جاتا ہے، ایک مصنوعی جھیل کے بیچ میں واقع ہے اور گوگل میپس پر 4.9 کی بلند درجہ بندی کے ساتھ سیاحتی مقام بن چکا ہے۔
وولوو آئی لینڈ کی کہانی سکاٹ مان سے جڑی ہے، جو اوٹاوا کے رہائشی اور دو بڑی گاڑیوں کی ریپئر شاپس کے مالک ہیں۔ انہوں نے 13 سال قبل، ایک پرانی کان کو تقریباً 40 فٹ پانی سے بھرنے کے بعد، ایک پرانی وولوو S80 کو جھیل میں پھیلے جزیرے پر رکھ کر اس کے ارد گرد ایک مقابلے کا منصوبہ بنایا تھا۔
مان نے جزیرے تک گاڑی پہنچانے کے بعد، ایکسکیویٹر کے ذریعے اسے پانی سے الگ کر دیا تاکہ لوگ حیران ہوں کہ کار جھیل کے بیچ میں کیسے پہنچی, تاہم بعد میں مقابلے کے منصوبے کو منسوخ کر دیا گیا کیونکہ انہیں خدشہ تھا کہ لوگ گاڑی تک پہنچنے کے لیے پانی میں جا سکتے ہیں۔
اگرچہ مقابلہ منسوخ ہو گیا، مان نے کار کو جزیرے پر ہی رکھ دیا، اور یہ آہستہ آہستہ اوٹاوا کے علاقے میں ایک مشہور لینڈ مارک بن گیا۔ وولوو آئی لینڈ، جو الینوائے روٹ 71 اور یو ایس ہائی وے 6 کے سنگم کے قریب واقع ہے، اپنی منفرد نوعیت کی وجہ سے سیاحوں کو اپنی طرف متوجہ کرتا ہے۔
واضح رہے کہ 13 سال گزرنے کے باوجود، 2001 وولوو S80 سیڈان اب بھی عمدہ حالت میں نظر آتی ہے، جو اس کے منفرد مقام اور مقامی تاریخ میں اہمیت کو مزید اجاگر کرتی ہے۔