بھارت کے زیرتسلط مقبوضہ کشمیرمیں مسلم طلبہ سے تعلیم کاحق بھی چھین لیا گیا

سری نگر:بھارت کے زیرِ تسلط جموں و کشمیر میں مسلم طلبہ سے تعلیم کا حق چھین لیا گیا ہے۔ مقبوضہ کشمیر کے وزیراعلیٰ عمر عبداللہ نے کہا ہے کہ انتہاء پسند بی جے پی نے میرٹ پر سلیکٹ ہونے والے مسلمان طلبہ سے ڈاکٹر بننے کا حق چھین لیا ہے۔ مقامی میڈیکل یونیورسٹی میں مسلمان طلبہ نے ایم بی بی ایس کا انٹری امتحان کامیابی کے ساتھ پاس کیا تھا، تاہم انہیں داخلہ نہیں دیا گیا۔

وزیراعلیٰ کے مطابق مجموعی طور پر 50 میں سے 42 سیٹوں پر مسلمان طلبہ میرٹ پر سلیکٹ ہوئے تھے، لیکن شرپسند جماعت بی جے پی نے اعتراض کیا کہ “یہ تو ماتا کا پیسہ ہے، مسلمانوں پر نہیں لگ سکتا”۔ دی انڈین ایکسپریس نے بھی ماتا وشنو دیوی یونیورسٹی میں میڈیکل پروگرام کی منسوخی کی حقیقت رپورٹ کی ہے۔ فیکلٹی ممبران اور طلبہ کے مطابق پروگرام جاری رکھنے کے لیے تمام سہولیات موجود تھیں، مگر سہولیات کے فقدان کا بہانہ بنا کر پروگرام منسوخ کر دیا گیا۔

بھارتی جریدے دی ہندو کے مطابق مسلمان طلبہ سے ڈاکٹر بننے کا حق چھیننے پر ہندوتوا نظریہ کے حامیوں نے خوشی منائی۔ مقبوضہ کشمیر میں اقلیتوں، بالخصوص مسلمانوں، کو مذہب کی بنیاد پر تعلیم سے دور رکھنا انتہاء پسندی اور سفاکیت کی مثال ہے۔