بنگلہ دیش نے ایران جنگ کے باعث پیدا ہونے والے توانائی بحران کی وجہ سے یونیورسٹیاں بند کرنے کا اعلان کردیا۔
غیر ملکی خبر ایجنسی کے مطابق بنگلہ دیشی حکام کا کہنا ہے کہ ملک میں عید کی تعطیلات وقت سے پہلے شروع کرنے کا فیصلہ کیا گیا ہے اور آج سے ملک بھر میں تمام سرکاری اور نجی یونیورسٹیاں عید تک بند رہیں گی۔
حکومت کا کہنا ہے کہ یہ اقدام مشرق وسطیٰ میں جاری تنازع کے باعث پیدا ہونے والے توانائی بحران کے تناظر میں اٹھایا گیا ہے تاکہ بجلی اور ایندھن کی بچت کی جا سکے۔
حکام کے مطابق یونیورسٹی کیمپس، رہائشی ہاسٹلز، کلاس رومز، لیبارٹریز اور ائیر کنڈیشننگ کے باعث بڑی مقدار میں بجلی استعمال کرتے ہیں، اس لیے قبل از وقت تعطیلات سے بجلی کے نظام پر بوجھ کم کرنے میں مدد ملے گی۔