استور کے تین بہن بھائیوں نے روس کی معروف یونیورسٹی سے مکمل فنڈڈ اسکالرشپ پر ماسٹرز کی ڈگریاں امتیازی کارکردگی سے حاصل کر لیں۔

استور سے تعلق رکھنے والے شاہ زمان کے تین بچوں نے گلگت بلتستان کو بین الاقوامی سطح پر پہچان دلائی ہے۔

گلگت بلتستان کے ضلع استور سے تعلق رکھنے والے ممتاز بینکر، سماجی کارکن اور زرعی ترقیاتی بینک آف پاکستان کے سابق چیف کریڈٹ ڈیپارٹمنٹ آفیسر شاہ زمان کے تینوں بچوں نے بین الاقوامی سطح پر شاندار تعلیمی کامیابیاں حاصل کرکے گلگت بلتستان اور پاکستان کا سر فخر سے بلند کیا ہے۔ ان کی کامیابیاں نہ صرف ان کے خاندان کے لیے بلکہ پورے علاقے کے نوجوانوں کے لیے تحریک کا باعث ہیں۔

شاہ زمان کے تینوں بچوں نے 2023 میں عالمی شہرت یافتہ نیشنل ریسرچ یونیورسٹی ہائر سکول آف اکنامکس (ماسکو)، روس میں مکمل فنڈڈ اسکالرشپ حاصل کیں۔ دو سال کی تعلیمی مدت میں، بہن بھائیوں نے مختلف شعبوں میں ماسٹرز کی ڈگریاں مکمل کیں، اکیڈمی میں ایک شاندار مثال قائم کی۔

ان کی بیٹی، ثناء زمان نے امتیاز کے ساتھ بین الاقوامی تجارتی قانون اور تنازعات کے حل میں ماسٹر کی ڈگری حاصل کی۔ وہ پہلے ہی اسے مکمل کر چکی تھی