ایران کا اعلیٰ سطحی وفد اسلام آباد میں ہونے والے مذاکرات میں شرکت کے لیے پہنچ گیا ہے۔
ترجمان دفتر خارجہ کے مطابق ایرانی وفد کی قیادت محمد باقر قالیباف کر رہے ہیں جب کہ ایرانی وزیر خارجہ عباس عراقچی بھی ان کے ہمراہ ہیں۔
اسلام آباد آمد پر وفد کا استقبال پاکستان کے نائب وزیراعظم اور وزیر خارجہ اسحاق ڈار نے کیا تاہم اس موقع پر اسپیکر قومی اسمبلی سردار ایاز صادق بھی موجود تھے۔
اس کے علاوہ چیف آف آرمی اسٹاف سید عاصم منیر اور وفاقی وزیر داخلہ محسن رضا نقوی نے بھی معزز مہمانوں کا خیرمقدم کیا۔
نائب وزیراعظم اسحاق ڈار نے اس موقع پر امید ظاہر کی کہ مذاکرات تعمیری انداز میں آگے بڑھیں گے۔
انہوں نے اس بات کا اعادہ بھی کیا کہ پاکستان خطے میں تنازع کے پائیدار اور دیرپا حل کے لیے اپنی سہولت کاری جاری رکھے گا۔
Video Player