برازیل کی فاست بولر لورا کارڈوسو نے ویمنز ٹی ٹوئنٹی میں 9 وکٹیں لے کر تاریخ رقم کردی ہے۔
برازیل ویمنز کرکٹ ٹیم کی فاسٹ بولر لورا کارڈوسو نے ٹی ٹوئنٹی انٹرنیشنل میں ایک انوکھا کارنامہ انجام دے دیا ہے۔
لیسوتھو کے خلاف میچ میں انہوں نے صرف 4 رنز دے کر 9 وکٹیں حاصل کیں جو اس فارمیٹ میں کسی بھی گیند باز کی جانب سے ایک اننگز میں بہترین کارکردگی ہے
اس سے پہلے ویمنز ٹی ٹوئنٹی میں سب سے زیادہ وکٹیں لینے کا ریکارڈ انڈونیشیا کی روحمالیہ کے نام تھا جنہوں نے 7 وکٹیں لی تھیں۔
مینز کرکٹ میں یہ ریکارڈ بھوٹان کے سونم ییشی کے پاس تھا جنہوں نے 8 وکٹیں حاصل کی تھیں۔ لورا نے دونوں ریکارڈ توڑتے ہوئے نئی بلندی حاصل کرلی۔
میچ میں برازیل نے پہلے بیٹنگ کرتے ہوئے 202 رنز بنائے جس کے جواب میں لیسوتھو کی پوری ٹیم لورا کی تیز رفتار اور درست بولنگ کے سامنے محض 13 رنز پر ڈھیر ہوگئی۔
برازیل نے یہ میچ 189 رنز سے جیت کر شاندار فتح حاصل کی ہے۔