آغا باقر الحسینی کا امریکہ ایران جنگ بندی پر ردعمل، پاکستان کے کردار کو سراہا
سکردو: مرکزی امامیہ جامع مسجد کے نائب امام جمعہ والجماعت اور صدر انجمنِ امامیہ بلتستان آغا باقر الحسینی نے اپنے سوشل میڈیا بیان میں امریکہ اور ایران کے درمیان حالیہ جنگ بندی کو ایران کی استقامت اور ثابت قدمی کا نتیجہ قرار دیا ہے۔
اپنے بیان میں آغا باقر الحسینی نے کہا کہ عالمی طاقتوں کو بالآخر یوٹرن لینا پڑا، جو ایران کے صبر، اتحاد اور حق پر ڈٹے رہنے کی واضح کامیابی ہے۔ انہوں نے ملتِ ایران کو “فتحِ مبین” پر مبارکباد پیش کرتے ہوئے کہا کہ یہ کامیابی مشکل حالات میں استقامت کا ثمر ہے۔
انہوں نے پاکستان کے کردار کو سراہتے ہوئے حکومت کی خارجہ پالیسی کو قابلِ تحسین قرار دیا.