فیفا ورلڈ کپ 2026 کے لیے تمام 48 ٹیموں کی فہرست مکمل ہونے کے بعد اس تاریخی اور توسیع شدہ ٹورنامنٹ کی تیاریاں آخری مراحل میں داخل ہو چکی ہیں۔
تفصیلات کے مطابق حالیہ مرحلے میں کانگو اور عراق نے کامیابی حاصل کرتے ہوئے اپنی جگہ یقینی بنائی اور یوں کوالیفائنگ مرحلہ اختتام کو پہنچا۔
یہ عالمی ایونٹ 11 جون سے 19 جولائی 2026 تک امریکا، کینیڈا اور میکسیکو میں منعقد ہوگا۔
ایونٹ کے لیے کوالیفائنگ کا طویل سلسلہ ستمبر 2023 میں شروع ہوا تھا جس میں چھ کنفیڈریشنز کی ٹیموں نے حصہ لیا۔
یورپ سے آخری مرحلے میں چار مرتبہ کا عالمی چیمپئن اٹلی بوسنیا و ہرزیگووینا سے کھاکر مسلسل تیسری مرتبہ ورلڈکپ میں رسائی حاصل کرنے میں ناکام رہا۔
48 ٹیموں پر مشتمل یہ پہلا ورلڈ کپ ہوگا، جس میں 104 میچز کھیلے جائیں گے اور 16 مختلف شہروں میں مقابلے ہوں گے۔
نیا فارمیٹ 12 مختلف گروپس پر مشتمل ہوگا، ہر گروپ میں چار ٹیمیں ہوں گی جو آپس میں میچز کھیلیں گی۔
گروپ اے:
میکسیکو، جنوبی افریقا، جنوبی کوریا، چیک ریپبلک
گروپ بی:
کینیڈا، بوسنیا اور ہرزیگوینا، سوئٹزرلینڈ، قطر
گروپ سی:
برازیل، مراکش، اسکاٹ لینڈ، ہیٹی
گروپ ڈی:
امریکا، پیراگوئے، آسٹریلیا، ترکی
گروپ ای:
جرمنی، ایکواڈور، آئیوری کوسٹ، کوراکاؤ
گروپ ایف:
نیدرلینڈز، جاپان، تیونس، سوئیڈن
گروپ جی:
بیلجیم، ایران، مصر، نیوزی لینڈ
گروپ ایچ:
اسپین، کیپ وردے، یوراگوئے، سعودی عرب
گروپ آئی:
فرانس، سینیگال، عراق، ناروے
گروپ جے:
ارجنٹینا، الجزائر، آسٹریا، اردن
گروپ کے:
پرتگال، کولمبیا، ازبکستان، جمہوریہ کانگو
گروپ ایل:
انگلینڈ، کروشیا، پاناما، گھاناایونٹ کا فائنل 19 جولائی کو میٹ لائف میں کھیلا جائے گا، جہاں نئے عالمی چیمپئن کا فیصلہ ہوگا۔
اس کے علاوہ چیک ریپبلک، ترکی اور سوئیڈن نے فیفا ورلڈکپ 2026 میں رسائی حاصل کرلی۔