دنیا بھر میں 2014 سے 2023 تک سگریٹ نوشی چھوڑنے سے متعلق ایک نئے جائزے میں یہ سامنے آیا ہے کہ
شواہد سے معلوم ہوتا ہے کہ نکوٹین سے بھرپور ویپس، سگریٹ چھوڑنے میں نکوٹین کے متبادل طریقوں جیسے پیچز، چیونگ گم، لوزینجز اور رویہ جاتی مدد کے مقابلے میں زیادہ مؤثر ثابت ہوئے ہیں بلکہ یہ نکوٹین سے خالی ای سگریٹس سے بھی زیادہ کارآمد ہیں۔
لیکن کیا ایک نکوٹین پر مبنی چیز چھوڑ کر دوسری نکوٹین والی چیز اپنانا واقعی بہتری ہے؟ سینٹر فار ڈیزیز کنٹرول اینڈ پریونشن (سی ڈی سی) کے مطابق ایسا ضروری نہیں۔
اگرچہ الیکٹرانک سگریٹس (جنہیں عام طور پر ای سگریٹس، ای سِگز یا ویپس کہا جاتا ہے) میں عام سگریٹس کے دھوئیں میں موجود تقریباً 7000 مہلک کیمیکلز کے مقابلے میں نسبتاً کم نقصان دہ مادے ہوتے ہیں اور طبی ماہرین متفق ہیں کہ روایتی سگریٹ کینسر، میٹابولک امراض، ذہنی کمزوری اور دیگر سنگین صحت کے مسائل کا سبب بنتے ہیں پھر بھی ویپس کو محفوظ نہیں سمجھا جاتا۔
سائنس دان اب بھی اس بات پر تحقیق جاری رکھے ہوئے ہیں کہ طویل مدت میں الیکٹرانک سگریٹس انسانی صحت پر کس طرح اثر انداز ہوتے ہیں۔
سگریٹ ترک کرنے کا سب سے مؤثر طریقہ نکوٹین والے الیکٹرانک سگریٹس (ویپس) کا استعمال ہے۔