شہید سیف الرحمٰن گورنمنٹ ٹیچنگ ہسپتال گلگت میں ایک اور کامیاب اور پیچیدہ سرجری
ضلع شگر، اسکردو سے تعلق رکھنے والا 11 دن کا نومولود بچہ، جس میں پیدائشی طور پر Esophageal Atresia with Tracheoesophageal Fistula (غذائی نالی کی بندش اور سانس کی نالی سے غیر معمولی راستہ) کی تشخیص ہوئی تھی، ابتدائی طور پر کسی اور ہسپتال میں میں داخل رہا۔
بعد ازاں بچے کو مزید تخصصی علاج کے لیے شہید سیف الرحمان گورنمنٹ ٹیچنگ ہسپتال منتقل کیا گیا۔
ہسپتال پہنچنے پر پیڈیاٹرک سرجری ٹیم نے فوری طور پر کیس کا جائزہ لیا اور کامیابی کے ساتھ Posterolateral Thoracotomy کے ذریعے Tracheoesophageal Fistula Repair کی پیچیدہ سرجری انجام دی۔
یہ اہم آپریشن ماہر پیڈیاٹرک سرجن ڈاکٹر نادر امان اور ان کی باصلاحیت ٹیم نے انجام دیا، جن میں سینئر کنسلٹنٹ جنرل سرجن ڈاکٹر مراد صاحب ،ڈاکٹر نور (PG) ، ڈاکٹر اختر جمیل (اینستھیٹسٹ) اور سینئر او ٹی اے وسیم احمد شامل تھے۔
شہید سیف الرحمٰن گورنمنٹ ٹیچنگ ہسپتال گلگت میں جدید طبی سہولیات اور ماہر ڈاکٹروں کی دستیابی کے باعث گلگت بلتستان کے دور دراز علاقوں سے آنے والے مریضوں کو معیاری علاج فراہم کیا جا رہا ہے۔
ہم پوری آپریشن تھیٹر ٹیم کو اس کامیاب سرجری پر خراجِ تحسین پیش کرتے ہیں اور نومولود بچے کی جلد و مکمل صحتیابی کے لیے دعا گو ہیں۔