اسلام آباد/ نگران صوبائی وزیرِ تعلیم و قانون گلگت بلتستان بہادر علی خان نے کنٹری ڈائریکٹر ACTED انٹرنیشنل سرفراز خان اور ان کی ٹیم کے ساتھ میٹنگ کی ۔ میٹنگ میں گلگت بلتستان کی مجموعی تعلیمی صورتحال بالخصوص بچیوں کی تعلیم کو درپیش مسائل اور ان کے حل کے لیے مشترکہ حکمتِ عملی پر تبادلۂ خیال کیا گیا۔ وزیرِ تعلیم نے صوبے میں جاری تعلیمی اصلاحات بنیادی سہولیات کی بہتری اور فیمیل ایجوکیشن کے فروغ کے لیے حکومتی اقدامات سے وفد کو آگاہ کیا۔
میٹنگ میں موسمیاتی تبدیلی کے ماحولیات پر بڑھتے ہوئے اثرات پر بھی گفتگو کی گئی۔ اس بات پر زور دیا گیا کہ گلگت بلتستان میں گلیشیئرز کے تیزی سے پگھلنے، غیر متوقع بارشوں، سیلاب، لینڈ سلائیڈنگ اور پانی کے وسائل میں کمی جیسے مسائل ہیں۔
۔ ACTED ۔انٹرنیشنل کے وفد نے موسمی تبدیلی کے تناظر میں گلگت بلتستان حکومت کے ساتھ مل کر تعلیم اور ماحولیات کے شعبوں میں ہر ممکن تعاون فراہم کرنے کے عزم کا اظہار کیا۔ نگران وزیرِ تعلیم نے ادارے کی دلچسپی اور تعاون کو سراہتے ہوئے امید ظاہر کی کہ باہمی اشتراک سے صوبے میں مثبت اور دیرپا نتائج حاصل ہوں گے۔