چپورسن ویلی میں زلزلہ نقصانات کی تصدیق کے لیے جی آئی ایس کمیٹی قائم
گلگت: حکومت گلگت بلتستان کے ڈائریکٹر جنرل جی بی ڈی ایم اے نے چپورسن ویلی میں حالیہ زلزلے سے ہونے والے نقصانات کی تصدیق کے لیے جی آئی ایس کمیٹی تشکیل دے دی۔ اس حوالے سے باقاعدہ آفس آرڈر جاری کر دیا گیا ہے۔
جاری کردہ نوٹیفکیشن کے مطابق کمیٹی کی سربراہی اسسٹنٹ ڈائریکٹر جی آئی ایس ناصر الدین کریں گے، جبکہ فوکس ہیومینیٹیرین اسسٹنس کا نمائندہ اور مقامی کمیونٹی کا نمائندہ بطور اراکین شامل ہوں گے۔
کمیٹی چپورسن ویلی میں ریکارڈ کیے گئے زلزلہ نقصانات کا جائزہ لے گی اور ڈپٹی کمشنر/چیئرمین ڈی ڈی ایم اے ہنزہ کی جانب سے جمع کروائے گئے اعداد و شمار کی تصدیق کرے گی۔
کمیونٹی کے حقیقی تحفظات کو بھی مدنظر رکھا جائے گا۔ کمیٹی اپنی تفصیلی رپورٹ 16 فروری 2026 تک ڈائریکٹر جنرل جی بی ڈی ایم اے کے دفتر، مناور، میں جمع کرائے گی۔
فیلڈ تصدیق کے دوران اسسٹنٹ کمشنر گوجال اور اسسٹنٹ ڈائریکٹر جی بی ڈی ایم اے ہنزہ/نگر ٹیم کی معاونت کریں گے۔
یہ آفس آرڈر ڈائریکٹر جنرل جی بی ڈی ایم اے کی منظوری سے جاری کیا گیا ہے۔