نگران وزیر وزیر خزانہ گلگت بلتستان کا پاکستان ہائی کمیشن لندن کا دورہ؛ سرمایہ کاری کے مواقع اجاگر
نگران وزیرِ خزانہ گلگت بلتستان، ابرار اسماعیل نے اپنے نجی دورۂ برطانیہ کے دوران پاکستان ہائی کمیشن لندن کا دورہ کیا۔ ہائی کمیشن کے فرسٹ سیکرٹری اعجاز نے وزیرِ خزانہ کا پرتپاک استقبال کیا اور برطانیہ میں پاکستان مشن کے امور سے متعلق تفصیلی بریفنگ دی۔
وزیرِ خزانہ نے وزیرِ اعلیٰ گلگت بلتستان جسٹس (ر) یار محمد کی جانب سے نیک تمناؤں کا پیغام پہنچایا اور پاکستان ہائی کمیشن سے درخواست کی کہ وہ برطانیہ میں ممکنہ سرمایہ کاروں کے سامنے گلگت بلتستان کی قدرتی خوبصورتی اور وسیع معاشی وسائل کو مؤثر انداز میں اجاگر کرے۔
نگران وزیرِ خزانہ نے اس بات پر زور دیا کہ گلگت بلتستان میں کان کنی و معدنیات، سیاحت اور دیگر شعبوں میں بے پناہ سرمایہ کاری کے مواقع موجود ہیں، جن سے استفادہ کرتے ہوئے خطے کی معاشی ترقی کو مزید فروغ دیا جا سکتا ہے۔
فرسٹ سیکرٹری اعجاز نے اس دورے کو خوش آئند قرار دیتے ہوئے گلگت بلتستان میں ممکنہ سرمایہ کاری کی سہولت کاری اور حوصلہ افزائی کے لیے مکمل تعاون کی یقین دہانی کرائی، بالخصوص مندرجہ ذیل شعبوں میں:زراعت (پھل)کان کنی اور معدنیات قیمتی پتھر (جیم اسٹونز) سیاحت کے شعبوں میں ممکنہ سرمایہ کاری کے مواقع کی اہمیت پر زور دیا۔
آخر میں اس امید کا اظہار کیا گیا کہ نگران وزیرِ خزانہ کا یہ دورہ مستقبل میں مثبت نتائج اور باہمی تعاون کے نئے مواقع کا باعث بنے گا اور اس کے خوشگوار ثمرات جلد سامنے آئیں گے۔