حکومت گلگت بلتستان کی درخواست پہ برف باری اور شدید بارشوں کے نتیجے میں پھنس جانے والے مسافروں کے لئے کوہستان انتظامیہ کا فوری ریسکیو آپریشن
تفصیلات کے مطابق حکومت گلگت بلتستان کا شاہراہ قراقرم کوہستان میں برف باری کے دوران پھنس جانے والے مسافروں کی محفوظ مقامات تک پہچانے کیلئے خیبر پختون خواہ حکومت سے رابطہ کے بعد دوپہر کے بعد سے ہنگامی ریسکیو آپریشن کیا کیا۔ دریں اثنا حالیہ برف باری اور بارشوں کے نتیجے میں ضلع کوہستان کے مقام پہ۔شاہراہ قراقرم کا لینڈ سلائڈ کے باعث بندش کے بعد گلگت بلتستان سے تعلق رکھنے والے سینکڑوں مسافروں کو رہائش، علاج معالجہ کی سہولت، خوراک اور محفوظ مقامات تک پہنچایا دیا گیا۔
حکومت گلگت بلتستان کا فرنٹیئر ورکس آرگنائزیشن اور ہزارہ ڈویژن کی انتظامیہ سے بھی رابطہ جاری رہا اور کئی مقامات پہ روڈ کھول کر پھنسے ہوئے مسافروں کو محفوظ مقامات تک پہنچا دیا گیا۔ کوہستان انتظامیہ نے حکومت گلگت بلتستان کے فوری رابطہ کے نتیجے میں پھنس جانے والے مسافروں کو۔خوراک سمیت علاج کی سہولیات بھی فراہم کرتے ہوئے انہیں رہائش بھی دی گئی۔
دوسری جانب ان کے رابطے کے نتیجے میں فرنٹیئر ورکس آرگنائزیشن نے روڈ کھولنے کیلئے کوششیں تیز کر دی ہیں تاکہ شاہراہ قراقرم کو مکمل طور پہ کھول دیا جائے۔ مختلف مقامات میں پھنس جانے والے مسافروں نے مقامی ذرائع ابلاغ کے نمائندوں کو بتایا کہ ناگہانی آفات کو تو نہیں روکا جا سکتا مگر اس برف باری کے بعد پیدا ہونے والے مشکلات کے دوران جس انداز میں پھنس جانے والے مسافروں کا خیال رکھا گیا اس کے لئے وہ حکومت گلگت بلتستان کے شکر گزار ہیں