گلگت بلتستان: پاک چین سرحد سے متصل دور افتادہ گاؤں چپورسن میں زلزلہ متاثرین کے لیے پاک فوج کی امدادی کارروائیاں
19 جنوری کو چپورسن ہنزہ میں آنے والے زلزلے سے کئی گھروں کو نقصان پہنچا اور کئی خاندان متاثر ہوئے۔
سرد موسمی حالات کی وجہ سے متاثرہ خاندان شدید مشکلات کا شکار تھے۔
اس صورت حال کو دیکھتے ہوئے پاک فوج نے فوری طور پر امدادی کارروائیاں شروع کیں اور متاثرین کو گرم کپڑے، کمبل، راشن اور ضروری سامان فراہم کیا۔
اس کے ساتھ میڈیکل ٹیمیں بھی موقع پر روانہ کی گئیں، جن میں شامل ڈاکٹرز نے مریضوں کا چیک اپ کیا اور مفت دوائیاں بھی فراہم کیں۔
ریلیف کی فراہمی پر متاثرہ خاندانوں اور اہل علاقہ نے پاک فوج کا شکریہ ادا کیا۔
پاک فوج اپنی پیشہ ورانہ ذمہ داریوں کو نبھانے کے ساتھ ساتھ ہر مشکل گھڑی میں عوام کے شانہ بشانہ کھڑی رہتی ہے۔