ڈیجیٹل میڈیا پالیسی 2025 اور کم از کم اجرت,سیکریٹری اطلاعات کی زیر صدارت اہم اجلاس

گلگت۔
وفاقی حکومت اور حکومت گلگت بلتستان کی جانب سے مقرر کئے گئے کم سے کم اجرت کی ادائیگی کو یقینی بنانے اور حال ہی میں منظور شدہ ڈیجیٹل میڈیا پالیسی کے خدوخال اور اس کے نمایاں خصوصیات سمیت اسں کے اجراء سے قبل لاحہ عمل بنانے کیلئے سیکریٹری اطلاعات گلگت بلتستان ثناءاللہ کے زیر سربراہی دو الگ اجلاس سول سیکریٹریٹ گلگت میں منعقد ہوئے ۔اجلاس گلگت بلتستان حکومت اور وفاقی حکومت کی جانب سے مقرر کردہ کم سے کم اجرت کی ادائگی کو یقینی بنانے کیلئے بلتستان ، دیامر استور اور گلگت ڈویژن کے چھ اضلاع سے صحافیوں کے نمائندہ تنظیموں پہ مشتمل کمیٹی تشکیل دی گئ
اجلاس میں گلگت بلتستان نیوز پیپز سوسائٹی، گلگت یونین آف جرنلسٹس اور گلگت پریس کلب اور گلگت بلتستان یونین آف جرنلسٹس کے نمائندوں نے شرکت کی۔ اجلاس سے خطاب کرتے ہوئے سیکریٹری اطلاعات نے کہا کہ بلتستان اور دیامر ڈویژن سے نمائندگی نہ ہونے کے باعث خاطر خواہ گفت و شنید نہیں ہو سکتی لہذا ایک کمیٹی تشکیل دی گئی جس میں بلتستان یونین آف جرنلسٹس سکردو پریس کلب اور گھانچے پریس کلب ، دیامر پریس کلب اور گاہکوچ پریس کلب سمیت استور پریس کلب سے بھی نمائندگی ہونی چاہیے تاکہ تمام ڈویژن اپنے اپنے معروضی حالات کے پیش نظر مفید تجاویز اور آرا سمیت کمیٹی میں اپنا کردار ادا کر سکیں۔ کمیٹی کو ایک ہفتے کا وقت دیا گیا کہ وہ اپنی سفارشات مرتب کر کے پیش کر سکیں۔
سیکریٹری اطلاعات کے زیر سربراہی منعقد ہونے والے اجلاس میں ڈیجیٹل میڈیا پالیسی 2025 پہ بھی تفصیلی گفتگو شنید کی گئی اور اس بات پہ اتفاق کیا گیا کہ وقت کے ساتھ ساتھ اس میں مزید بہتری لائی جائے گی تاہم بلتستان اور دیامر میں ڈیجیٹل میڈیا سے منسلک صحافیوں کی آرا جانے اور اس پالیسی پہ اگاہی کیلئے ٹیم اسی ہفتے بلتستان اور دیامر ڈویژن کا دورہ کرے گی اس موقع پہ سیکریٹری اطلاعات نے ہدایت کی اس پالیسی کو میڈیا ہاوس کے ساتھ شیئر کیا جائے