وزیرِ داخلہ گلگت بلتستان ساجد علی بیگ کا شاہراہِ قراقرم پر مسافروں کو درپیش مشکلات کا نوٹس
شاہراہِ قراقرم پر غیر ضروری تاخیر اور چیک پوسٹ مسائل، وزیرِ داخلہ کا خیبر پختونخوا حکومت سے رابطہ
مسافروں کی عزت، سہولت اور وقت کا تحفظ حکومت کی اولین ترجیح ہے، ساجد علی بیگ
شاہراہِ قراقرم پر سفری مسائل کے فوری اور دیرپا حل کے لیے عملی اقدامات پر اتفاق
وزیرِ داخلہ گلگت بلتستان ساجد علی بیگ نے شاہراہِ قراقرم پر مسافروں کو درپیش طویل سفری مشکلات، غیر ضروری تاخیر، بار بار چیک پوسٹوں پر روکے جانے اور خواتین، بچوں و بزرگوں کو بنیادی سہولیات کی عدم دستیابی کے سنگین مسئلے کا نوٹس لیتے ہوئے سیکریٹری داخلہ / ایڈیشنل سیکریٹری داخلہ خیبر پختونخوا سے ٹیلیفونک رابطہ کیا۔
رابطے کے دوران عوام کو درپیش اذیت ناک صورتحال، قافلوں کی تاخیر اور سفری دورانیہ دوگنا ہونے پر تفصیلی گفتگو ہوئی اور اس مسئلے کے فوری اور دیرپا حل کے لیے عملی اقدامات پر اتفاق کیا گیا۔
وزیرِ داخلہ ساجد علی بیگ نے واضح کیا کہ عوام کی عزت، سہولت اور وقت کا تحفظ حکومت کی اولین ترجیح ہے اور شاہراہِ قراقرم پر سفر کو محفوظ، باوقار اور سہل بنانے کے لیے متعلقہ اداروں سے مؤثر رابطہ اور اصلاحات کا عمل جاری رکھا جائے گا-