چیف سیکرٹری گلگت بلتستان کا اسلام آباد میں آسان خدمت ماڈل کا دورہ
اسلام آباد: چیف سیکرٹری گلگت بلتستان ابرار احمد مرزا نے اسلام آباد میں اسٹیٹ آف دی آرٹ سینٹر “آسان خدمت مرکز” کا دورہ کیا تاکہ اس کی کارکردگی اور شہری دوست سروس ڈلیوری سسٹم کا جائزہ لیا جائے۔
یہ جدید مرکز ایک ونڈو سہولت کے طور پر کام کرتا ہے جو متعدد سرکاری خدمات کو ڈیجیٹل پلیٹ فارم پر یکجا کرتا ہے
تاکہ عوام کے لیئے سروس ڈیلیوری کی مدت کو مختصر کرکے خدمات کی فراہمی کو آسان بنایا جائے، آسان خدمت مرکز آذربائیجان کے عالمی سطح پر مشہور اے ایس اے این سروس سسٹم کی طرز پر تیار کیا گیا ہے جو عوامی خدمات تک جدید اور موثر رسائی کو آسان بناتا ہے۔
وزیراعظم کی ہدایات پر یہ دورہ مزید اہمیت کا حامل ہے جنہوں نے اسلام آباد کے کامیاب ماڈل کی طرز پر گلگت بلتستان اور آزاد جموں و کشمیر میں فوری طور پر ایسے مراکز قائم کرنے کا حکم دیا ہے۔
یہ اقدامات علاقوں میں عوامی سہولیات اور گورننس کی کارکردگی کو بہتر بنائیں گے۔