اسلام آباد:پاکستانی ایم ایم اے فائٹر انیتا کریم نے تاریخ رقم کردی۔پاکستان میں خواتین کی پہلی پروفیشنل ویمنز ایم ایم اے فائٹ انیتا کریم کے نام رہی۔
اسلام آباد میں پرو فیشنل ایم ایم اے لیگ انفنیٹ چیمپئن شپ کا انعقاد کیا گیا جس میں خواتین کی52کلوگرام ٹائیٹل فائٹ میں پاکستان اور ایران آمنے سامنے ہوئے۔ٹائٹل فائٹ میں انیتا کریم نے ایران کی’’ پریسا شمش آبادی ‘‘کو پہلے ہی راؤنڈ میں ناک آوٹ کرکے بیلٹ حاصل کرلی۔
ہنزہ سے تعلق رکھنے والی انیتا کریم پاکستان کی پہلی پروفیشنل ایم ایم فائٹر ہیں جنہوں نے بین الاقوامی مقابلوں میں شاندار فتوحات حاصل کیں۔انیتا کریم نے پہلی مرتبہ اپنی سر زمین پر پروفیشنل ایم ایم ٹائٹل فائٹ جیتی ہے۔