پاکستان نیوی نے زمین سے فضا تک مار کرنے والے میزائل کا کامیاب تجربہ کیا ہے۔
آئی ایس پی آر کےمطابق مشق کے دوران ایل وائے 80 این فضائی دفاعی میزائل کاکامیاب لائیوفائرتجربہ کیا گیا،ایل وائے 80 این میزائل نےفضائی ہدف کوکامیابی سےنشانہ بناکرتباہ کیا،جدید اوربغیر پائلٹ نظاموں کی شاندار کارکردگی کا مظاہرہ کیا گیا۔
آئی ایس پی آر کےمطابق مشق کےدوران لوئٹرنگ میونیشن کے ذریعے اہداف کو کامیابی سے نشانہ بنایا گیا، لوئٹرنگ میونیشن کی جدیدبحری جنگ میں مؤثر اور درست حملہ آور صلاحیتوں کامظاہرہ کیا گیا۔
آئی ایس پی آر کےمطابق کمانڈر پاکستان فلیٹ نےجدید سسٹمز کے مؤثر استعمال کی مشق کا مشاہدہ کیا، بغیرپائلٹ سطحی جہازیوایس وی کے کامیاب اوپن سی ٹرائلز مکمل کیا گیا، یو ایس وی نےانتہائی رفتار، درست نیوی گیشن،موسم سے نمٹنے کی صلاحیت کامظاہرہ کیا،نیول چیف ایڈمرل نوید اشرف نے افسران اور جوانوں کی پیشہ ورانہ مہارت کو سراہا۔