:سکردو
ریسکیو 1122 سکردو نے سال 2025 کے دوران ہنگامی حالات سے نمٹنے میں مثالی کارکردگی کا مظاہرہ کرتے ہوئے 2,289 مختلف نوعیت کی ایمرجنسیز میں بروقت اور مؤثر خدمات انجام دیں۔ سالانہ اعداد و شمار کے مطابق
ادارے کی خدمات نے انسانی جانوں کے تحفظ میں فیصلہ کن کردار ادا کیا۔
میڈیکل ایمرجنسیز سب سے زیادہ رہیں، جن کی تعداد 1,318 رہی، جبکہ 184 ڈیلیوری کیسز میں بروقت رسپانس
کے باعث ماؤں اور نومولود بچوں کی زندگیاں محفوظ بنائی گئیں۔ اسی طرح 198 روڈ ٹریفک حادثات میں زخمیوں
کو فوری طبی امداد اور اسپتال منتقلی فراہم کی گئی۔
سال 2025 کے دوران آگ لگنے کے 60 واقعات، سیلابی ایمرجنسیز (8)، ڈوبنے کے کیسز (5) اور واٹر ریسکیو آپریشنز (3) کامیابی سے مکمل کیے گئے۔ اس کے علاوہ 157 ریکوری کیسز اور لاشوں کی منتقلی، تلاش اور برآمدگی سے متعلق کارروائیاں بھی مکمل پیشہ ورانہ مہارت کے ساتھ انجام دی گئیں۔
ریسکیو 1122 سکردو نے عوامی اجتماعات اور مذہبی جلوسوں کے دوران 24 جلوسوں کی ڈیوٹی انجام دی، جبکہ
جانوروں کی ریسکیو، گیس لیکیج، تشدد، ڈاگ بائٹ اور دیگر ہنگامی معاملات میں بھی اپنی خدمات پیش کیں۔
ریسکیو ادارہ 2025 میں بھی ہر وقت کسی بھی ناگہانی صورتحال سے نمٹنے کے لیے تیار رہا۔ شہریوں سے اپیل کی گئی ہے کہ وہ حادثات سے بچاؤ کے لیے احتیاطی تدابیر اختیار کریں اور کسی بھی ایمرجنسی کی صورت میں فوری طور پر 1122 پر رابطہ کریں۔