پاکستان،چین سے منسلک نئی ہائی وے تعمیر کر رہا ہے -نئی ہائی وے مانسہرہ، ناران،جھالاخنڈ اور چلاس کو جوڑے گی،
وفاقی حکومت نے این-15 ہائی وے کی تعمیر کی منظوری دے دی ہے، جو ایک اہم انفراسٹرکچر منصوبہ ہے اور مانسہرہ کو چینی سرحد سے جوڑے گا۔
یہ ہائی وے موجودہ قراقرم ہائی وے کا تیز، محفوظ اور جدید متبادل ثابت ہوگا۔
یہ فیصلہ نیشنل ہائی وے اتھارٹی (NHA) کے اجلاس میں کیا گیا، جس کی صدارت وفاقی وزیر برائے مواصلات عبد العلیم خان نے کی۔
نئی ہائی وے مانسہرہ، ناران، جھالاخنڈ اور چلاس کو جوڑے گی، جس سے سفر کے فاصلے کم ہوں گے اور سال بھر آمد و رفت میں آسانی پیدا ہوگی۔
وفاقی وزیر عبد العلیم خان نے کہا: “یہ ہائی وے تجارتی، سیاحتی اور دفاعی اعتبار سے منفرد ہوگی۔”
انہوں نے مزید کہا کہ ہائی وے پر رفتار کی حد 60 سے 80 کلومیٹر فی گھنٹہ ہوگی، جو تجارتی ٹریفک اور سردیوں میں سیاحت کے لیے موزوں ہوگی.