راولپنڈی
بحرین نیشنل گارڈ کے کمانڈر، ایچ ایچ جنرل شیخ محمد بن عیسیٰ بن سلمان آل خلیفہ نے آج جی ایچ کیو میں چیف آف آرمی اسٹاف فیلڈ مارشل سید عاصم منیر، NI(M), HJ سے ملاقات کی۔
ملاقات میں باہمی دلچسپی کے امور، علاقائی سلامتی اور دفاعی تعاون پر تبادلہ خیال کیا گیا۔ دونوں جانب سے پاکستان اور بحرین کے درمیان موجود فوجی تعلقات کو مزید مضبوط بنانے کے عزم کا اعادہ کیا گیا۔
معزز مہمان نے پاک فوج کی پیشہ ورانہ صلاحیتوں کو سراہا اور علاقائی امن و استحکام کے لیے اس کے کردار کو اعتراف کیا۔ آرمی چیف نے پاکستان اور بحرین کے برادرانہ تعلقات کا ذکر کرتے ہوئے اس بات پر زور دیا کہ پاکستان ہر شعبے میں بحرین کی مکمل حمایت جاری رکھے گا۔