مانسہرہ

نیٹکو کے منیجنگ ڈائریکٹر عثمان احمد نے مانسہرہ میں نئے بکنگ آفس کا باضابطہ افتتاح کر دیا۔ افتتاحی تقریب میں انہوں نے اسٹاف کو ہدایت دیتے ہوئے کہا کہ مانسہرہ سے گلگت بلتستان سفر کرنے والے مسافروں کو سہل، محفوظ اور معیاری خدمات کی فراہمی ہر صورت یقینی بنائی جائے، تاکہ ان کا سفر آرام دہ اور بے فکری سے جاری رہ سکے۔

اس موقع پر مانسہرہ سے چلاس تک نئی کوسٹر سروس کے آغاز کا بھی اعلان کیا گیا، جو نہ صرف علاقائی روابط کو مضبوط بنانے میں مددگار ثابت ہوگی بلکہ مسافروں کو جدید اور قابل اعتماد سفری سہولیات فراہم کرنے کی جانب ایک اہم قدم ہے۔ مقامی شہریوں اور مسافروں نے اس اقدام کو خوش آئند قرار دیتے ہوئے کہا کہ اس سے ٹکٹنگ اور سفر

کے انتظامات مزید آسان ہو جائیں گے۔NATCO کی جانب سے پیش کی جانے والی یہ نئی سہولیات ادارے کی اس مسلسل کاوش کا حصہ ہیں جس کا مقصد ملک کے شمالی علاقوں میں محفوظ، معیاری اور سہل سفری خدمات کو فروغ دینا ہے۔ اس اقدام سے مانسہرہ اور گلگت بلتستان کے درمیان ٹرانسپورٹیشن کے مسائل میں کمی، تجارتی سرگرمیوں کے فروغ اور سیاحت کے شعبے کو تقویت ملنے کی توقع ہے۔منیجنگ ڈائریکٹر عثمان احمد کا کہنا تھا کہ NATCO عوام کی توقعات پر پورا اترنے کے لیے خدمات کے معیار کو مزید بہتر بنانے کے لیے پرعزم ہے، اور آئندہ بھی ایسے اقدامات جاری رہیں گے جو مسافروں کے سفر کو زیادہ آسان اور اعتماد کے قابل بنائیں۔