تہران: ایران کی وزارت صحت نے کہا ہے کہ 30 اگست سے 2 ستمبر کے دوران امریکی حملوں میں کم از کم 18 افراد جاں بحق اور 142 زخمی ہوئے ہیں۔
ایرانی خبر رساں ادارے ارنا کے مطابق زخمی ہونے والوں میں 44 بچے بھی شامل ہیں، جبکہ جاں بحق افراد میں ایک بچہ اور دو خواتین شامل ہیں۔
ایرانی وزارت صحت کے مطابق امریکی حملوں کے نتیجے میں متعدد افراد متاثر ہوئے ہیں اور زخمیوں کو طبی امداد فراہم کی جارہی ہے۔
تازہ اعداد و شمار ایسے وقت میں سامنے آئے ہیں جب ایران اور امریکا کے درمیان جاری جنگ اور فوجی کشیدگی کے باعث خطے میں جانی نقصان میں اضافے کا خدشہ برقرار ہے۔ایرانی حکام کی جانب سے جاری کیے گئے ان اعداد و شمار کی آزاد ذرائع سے فوری طور پر تصدیق نہیں ہوسکی۔