کراچی:
بیورو آف ایئرکرافٹ سیفٹی انویسٹیگیشن نے کے ٹو ایئر ویز کے دفاتر سے سیل ہٹا دی۔
کے ٹو ایئرویز کے دفاتر کو ڈی سیل کرکے دفاتر ایئر لائن انتظامیہ کے حوالے کر دیے گئے ہیں۔
ذرائع کا کہنا ہے کہ کے ٹو ایئر ویز سے متعلق تمام ریکارڈ حاصل کرنے کے بعد دفاتر کو ڈی سیل کیا گیا ہے۔
واضح رہے کہ کے ٹو ایئرویز کا کارگو طیارہ یو اے ای سے کراچی آتے ہوئے پسنی کے قریب سمندر میں کریش ہوگیا تھا۔
طیارے کے ملبے کا اگلا حصہ تلاش کر لیا گیا تھا تاہم بقیہ حصے اور حادثے میں جاں بحق ہونے والے عملے کی تلاش جاری ہے۔