ایرانی وزیر خارجہ عباس عراقچی کا کہنا ہے کہ امریکا سے بات چیت اور پیغامات کا تبادلہ جاری ہے۔ حتمی نتیجے تک پہنچنے سے پہلے کچھ کہنا قبل ازوقت ہے۔
ایک بیان میں عباس عراقچی نے کہا کہ جو کچھ بھی بتایا جارہا ہے یہ سب قیاس آرائیاں ہیں، ان قیاس آرائیوں کو کوئی اہمیت نہیں دی جاسکتی۔ کسی حتمی نتیجے تک پہنچنے سے پہلے فیصلہ سنانا ممکن نہیں۔
دوسری جانب ایرانی میڈیا کے مطابق امریکا اور ایران کے درمیان پیغامات کا تبادلہ جاری ہے۔ دونوں جانب سے ممکن معاہدے کے مسودے میں ترامیم کی جارہی ہیں تاہم ابھی تک کوئی حتمی مسودہ طے نہیں پایا۔