پاکستانی اور سری لنکن افواج کی مشترکہ مشق شیک ہینڈز ٹو شروع ہوگئی ۔ مشق کا مقصد انسداد دہشتگردی کیلئے مشترکہ تربیت کے ذریعے پیشہ وارانہ صلاحیتوں کو بڑھانا ہے۔
آئی ایس پی آر کے مطابق شیک ہینڈز ٹو انسداد دہشتگردی مشق دو ہفتوں تک تربیلا میں جاری رہے گی۔ پاک فوج کے اسپیشل سروسزگروپ اور سری لنکن آرمی کی اسپیشل فورسز کے دستے شریک ہیں۔ مشق کا مقصد دونوں دوست ممالک کے درمیان دیرینہ عسکری تعلقات کو مزید مضبوط بنانا ہے۔
آپریشنل تجربات اور انسداد دہشتگردی کارروائیوں میں مہارت کے تبادلے سے فائدہ اٹھایا جائے گا۔ آئی ایس پی آر کے مطابق مشترکہ مشق سے باہمی تعاون کو بہتر بنانے اور باہمی افہام وتفہیم میں مدد ملے گی۔