بہترین حکمت عملی اور کامیاب سفارتکاری کے بعد پاکستان غیر ملکی سرمایہ کاروں کی پہلی ترجیح بن گیا ہے۔
بدلتے عالمی منظر نامے کے باعث پاکستان میں ایس آئی ایف سی کے تحت سرمایہ کاری کے امکانات مزید روشن ہو رہے ہیں۔
ماہر معیشت پروفیسر ڈاکٹر نوید کا کہنا ہے کہ حالیہ کشیدگی کے بعد دنیا کا نظام اور جیو پولیٹیکل منظر نامہ بدل رہا ہے۔ حالیہ صورتحال میں معاشی مواقع کے لیے ایس آئی ایف سی کا کردار سب سے اہم ہے۔
انہوں نے کہا کہ بہترین پالیسی، ہم آہنگی، فاسٹ ٹریک ڈیلز اور معاہدوں کے لیے ایس آئی ایف سی معاشی بحالی کا مؤثر ذریعہ بن چکا ہے۔ پاکستان سفارتی صلاحیت اور ساکھ کو مؤثر انداز میں استعمال کر رہا ہے جس سے ملکی معیشت کا بھی نیا دور شروع ہوگا۔
پروفیسر ڈاکٹر نوید کا کہنا تھا کہ ایک مضبوط ثالث کے ساتھ کے ساتھ پاکستان اپنی معیشت کو بھی بھرپور ترقی دے رہا ہے۔ ایس آئی ایف سی آئی ٹی، معدنیات، زراعت، غذائی تحفظ اور توانائی کا مؤثر انتظام فراہم کر رہی ہے۔
انکا کہنا تھا کہ ایل این جی معاہدوں، فری ٹریڈ اور قابل تجدید توانائی منصوبوں پر بھی پیش رفت جاری ہے۔ پاکستان میں معاشی اصلاحات مستقبل میں سماجی و معاشی ترقی کا باعث بنیں گی۔
پروفیسر ڈاکٹر نوید کا کہنا تھا کہ پاکستان جغرافیائی کردار سے آگے بڑھتے ہوئے جیو اکنامک پارٹنر کے طور پر خود کو پیش کر رہا ہے، پاکستان معاشی تبدیلی کے عمل سے گزر رہا ہے اور ایس آئی ایف سی کے ذریعے یہ عمل پائیدار ترقی کی بنیاد بن سکتا ہے۔