ایران جنگ کے باعث بڑھتی مہنگائی کا مقابلہ کرنے کے لیے برطانوی وزیراعظم نے اپنے شہریوں کیلئے بڑے ریلیف کا اعلان کر دیا۔
برطانیہ میں شہریوں کی تنخواہوں میں اضافے، توانائی بلوں میں کمی اور مستحق افراد کی مدد کے پروگرام کا آج سے اطلاق کر دیا گیا ہے۔
وزیراعظم سر کیئر اسٹارمر نے کہا کہ انکی کوشش ہے کہ آبنائے ہرمز کھلوائی جائے کیونکہ اسی سے چیزوں کی قیمت کم کی جا سکتی ہیں۔
برطانوی وزیراعظم نے توانائی، انشورنس اور شپنگ کمپنیوں کے عہدیداروں سے ملاقات کے بعد صورتحال کا جائزہ لیا۔
برطانوی حکومت نے نیشنل لیونگ ویج 12.71 پاؤنڈ کرنے کا اعلان کیا، اسطرح 24 لاکھ ملازمین کو 900 پاؤنڈ اضافی ملیں گے ، 2 لاکھ نوجوان ملازمین کو 1500 پاؤنڈ اضافی ملیں گے۔
انرجی بلز میں سالانہ اوسطا 117 پاؤنڈ کمی کی جا رہی ہے، جس کا اطلاق جون تک ہو گا، اس کے علاوہ ادویات کی قیمتوں کو منجمد کر دیا گیا ہے۔