شگر>
ڈپٹی کمشنر آفس شگر میں آج وزیراعظم مفت سولر سکیم برائے گلگت بلتستان کے تحت ڈیجیٹل قرعہ اندازی کا انعقاد کیا گیا۔ قرعہ اندازی پی ایم آر یو کی ٹیم کی جانب سے شفاف طریقے سے مکمل کی گئی۔ اس قرعہ اندازی میں ضلع شگر سے مجموعی طور پر 779 درخواست گزاران کامیاب قرار پائے، جن میں 694 گھریلو درخواست گزار جبکہ 85 کاروباری درخواست گزار شامل ہیں۔
اس موقع پر ڈپٹی کمشنر شگر عارف حسین، اسسٹنٹ کمشنر شگر فیصل حیات گوندل اور ایس ڈی او واٹر اینڈ پاور شگر روشن علی بھی موجود تھے۔ افسران نے اس سکیم کو عوام کے لیے ایک اہم اقدام قرار دیتے ہوئے کہا کہ اس سے بجلی کی کمی کے مسائل میں کمی آئے گی اور عوام کو متبادل توانائی کی سہولت میسر آئے گی۔
ضلعی انتظامیہ شگر نے کامیاب قرار پانے والے درخواست گزاران کو مبارکباد پیش کرتے ہوئے کہا کہ حکومت گلگت بلتستان اور وفاقی حکومت عوام کی فلاح و بہبود کے لیے عملی اقدامات جاری رکھے ہوئے ہیں۔