وفد میں ایگزیکٹو بورڈ ممبر ورلڈ میڈیا سیل آئی ایچ آر ایم پاکستان شفیع اللہ قریشی، سینئر نائب صدر پیر زادہ، نائب صدر محمد اور صدر جی بی یوتھ راجہ شامل تھے۔
ملاقات کے دوران گلگت بلتستان کے عوام کو درپیش اہم مسائل پر تفصیلی اور سنجیدہ تبادلۂ خیال کیا گیا۔
وفد نے خصوصاً سوشل میڈیا کے منفی اور غیر ذمہ دارانہ استعمال، بجلی و پانی کی قلت، معیاری تعلیم اور صحت کی ناکافی سہولیات سمیت انسانی حقوق سے متعلق دیگر چیلنجز کی نشاندہی کی۔
شرکاء نے اس بات پر زور دیا کہ سوشل میڈیا کا غلط استعمال معاشرتی تقسیم، انتشار اور نوجوان نسل میں منفی رجحانات کو فروغ دے رہا ہے، جس کے تدارک کے لیے مؤثر حکمتِ عملی ناگزیر ہے۔چیئرمین محمد علی ملک نے کہا کہ گلگت بلتستان کے عوام نے ہمیشہ ملکی استحکام اور ترقی میں کلیدی کردار ادا کیا ہے، اس لیے ان کے بنیادی حقوق کا تحفظ ریاست کی اولین ذمہ داری ہے۔
انہوں نے مطالبہ کیا کہ عوامی مسائل کے حل کے لیے ہنگامی بنیادوں پر عملی اقدامات کیے جائیں اور متعلقہ اداروں کو متحرک کیا جائے۔نگراں وزیر اعلیٰ گلگت بلتستان نے وفد کی کاوشوں اور انسانی حقوق کے فروغ کے لیے سرگرمیوں کو سراہتے ہوئے یقین دہانی کرائی کہ حکومت گلگت بلتستان عوامی مسائل کے حل کے لیے سنجیدہ اور پُرعزم ہے۔
انہوں نے کہا کہ سوشل میڈیا پر منفی اور اشتعال انگیز مواد کے خلاف قانون کے مطابق سخت کارروائی عمل میں لائی جائے گی، جبکہ بجلی، پانی، تعلیم اور صحت کے شعبوں میں بہتری کے لیے مربوط منصوبہ بندی کی جا رہی ہے۔ملاقات خوشگوار ماحول میں اختتام پذیر ہوئی اور اس عزم کا اعادہ کیا گیا کہ گلگت بلتستان کے عوام کے حقوق کے تحفظ اور فلاح و بہبود کے لیے باہمی تعاون کو مزید فروغ دیا جائے گا۔