واٹس ایپ صارفین کے لیے پرائیویسی کو اگلے درجے تک لے جا رہا ہے۔ نئی رپورٹ کے مطابق کمپنی اسٹیٹس اپ ڈیٹس کے لیے دو جدید فیچرز متعارف کرانے والی ہے: کلوز فرینڈز اور کسٹم لسٹس۔ ان سے صارفین یہ طے کر سکیں گے کہ کون ان کا اسٹیٹس دیکھ سکتا ہے اور کون نہیں۔
اینڈرائیڈ بیٹا ورژن میں یہ فیچر صارفین کو مختلف گروپس یا لسٹس بنانے کی سہولت دیتا ہے، مثلاً خاندان کے لیے ایک لسٹ، دوستوں کے لیے دوسری، اور دفتر کے ساتھیوں کے لیے تیسری۔
دلچسپ بات یہ ہے کہ ہر لسٹ کے ساتھ ایک ایموجی بھی منتخب کیا جا سکے گا، تاکہ ہر لسٹ کی شناخت آسان ہو جائے۔