گلگت بلتستان میں آج فٹبال کے سنسنی خیز مقابلے کھیلے گئے جن میں مختلف ٹیموں نے شاندار کارکردگی کا مظاہرہ کیا۔ دن کے پہلے مرحلے میں صبح 10 بجے سے دوپہر 12 بجے تک تین میچز منعقد ہوئے۔
ایل جے ایس فٹبال گراؤنڈ میں کھیلے گئے میچ میں غذر جانباز نے جی بی اسکاؤٹس کو 0-2 سے شکست دے کر کامیابی حاصل کی۔
دوسرے میچ میں شگر کی ٹیم نے گلگت سونی کو سخت مقابلے کے بعد 1-2 سے ہرا دیا۔ یہ میچ جی بی اسکاؤٹس اسٹیڈیم منر گار میں کھیلا گیا۔
تیسرے میچ میں لالک جان شہید نے شاندار کھیل کا مظاہرہ کرتے ہوئے کھرمنگ کو 0-8 کے بڑے مارجن سے شکست دی۔ یہ مقابلہ زیرو پوائنٹ فٹبال گراؤنڈ میں کھیلا گیا۔
دن کے دوسرے مرحلے میں دوپہر 1 بجے سے 3 بجے تک ٹیم استور اور ٹیم اسکردو رینچن (بی ٹیم) کے درمیان میچ کھیلا گیا جو 2-2 گول سے برابر رہا۔ یہ مقابلہ جی بی ایس اسٹیڈیم میں منعقد ہوا۔
ان میچز میں کھلاڑیوں کی کارکردگی کو شائقین فٹبال نے خوب سراہا جبکہ مقابلوں نے فٹبال کے شوقین افراد کو بھرپور تفریح فراہم کی۔