کھرمنگ
کھرمنگ کے دورافتادہ گاؤں طورغون بٹوم پی تھنگ میں ایک دلخراش اور افسوسناک واقعہ پیش آیا ہے، جہاں ایک شخص نے مبینہ طور پر خودکشی کر لی۔ پولیس ذرائع کے مطابق متوفی کی شناخت پچاس سالہ عقیل کے نام سے
ہوئی ہے۔
واقعے کی اطلاع ملتے ہی پولیس کی نفری فوری طور پر موقع پر پہنچ گئی، لاش کو تحویل میں لے کر ضروری قانونی کارروائی شروع کر دی گئی ہے۔
پولیس ذرائع کا کہنا ہے کہ متوفی طویل عرصے سے شدید غربت و تنگدستی کا شکار تھا جبکہ وہ معدے کے عارضے میں بھی مبتلا تھا۔ ابتدائی تحقیقات کے مطابق عقیل نے مبینہ طور پر گلے میں پھندا ڈال کر اپنی زندگی کا خاتمہ کیا۔
پولیس واقعے کے تمام پہلوؤں سے تحقیقات کر رہی ہے، جبکہ مزید حقائق سامنے آنے پر قانون کے مطابق کارروائی عمل میں لائی جائے گی۔