اسی تسلسل میں بی آئی ایس پی گلگت بلتستان کے معزز ڈائریکٹر جنرل کی زیرِ صدارت ایک آن لائن ای۔کچہری کا انعقاد کیا گیا، جس کا مقصد مستحقین کے مسائل کے فوری اور براہِ راست حل کو یقینی بنانا تھا۔
اس موقع پر انہوں نے بی آئی ایس پی کے مختلف اقدامات پر تفصیلی روشنی ڈالی، بالخصوص ڈیجیٹل والٹس کے تعارف اور ان کے فوائد سے آگاہ کیا، جو مالی معاونت کی شفاف، محفوظ اور بروقت ترسیل کے ساتھ ساتھ کیش لیس اکانومی کے فروغ میں اہم کردار ادا کر رہے ہیں۔
انہوں نے مستحقین کو ہدایت کی کہ ادائیگی کے وقت اپنی رجسٹرڈ سمز لازمی ہمراہ لائیں تاکہ سم کارڈز کی بروقت تصدیق اور ایکٹیویشن کو یقینی بنایا جا سکے۔
یہ آن لائن ای۔کچہری شفافیت، آگاہی اور براہِ راست رابطے کا ایک مؤثر ذریعہ ثابت ہوئی، جس سے گلگت بلتستان بھر میں بی آئی ایس پی اور مستحقین کے درمیان اعتماد کو مزید تقویت ملی۔