انڈر 19 ورلڈ کپ کے سلسلے میں زمبابوے کے دارالحکومت ہرارے میں کھیلے جانے والے میچ میں انگلینڈ کی انڈر 19 ٹیم نے پاکستان کے خلاف مقررہ اوورز میں 210 رنز بنائے۔
انگلش ٹیم 46 اعشاریہ 5 اوورز میں 210 رنزبنا کر آؤٹ ہوگئی، جس کے بعد پاکستان کو میچ جیتنے کے لیے 211 رنز کا ہدف ملا ہے۔
انگلینڈ کی جانب سے فیلکونر نمایاں رہے جنہوں نے 66 رنز کی بہترین اننگز کھیلی اور ٹیم کو قابلِ قدر اسکور تک پہنچایا۔ دیگر کھلاڑی پاکستانی بولرزکے سامنے زیادہ دیر نہ ٹھہر سکے، پاکستان کی بولنگ لائن نے مجموعی طور پر مؤثر کارکردگی کا مظاہرہ کیا۔
پاکستان کی جانب سے احمد حسین نے شانداربولنگ کرتے ہوئے 3 وکٹیں حاصل کیں، جبکہ علی رضا، عبدالسبحان اورمومن قمر نے 2، 2 کھلاڑیوں کو آؤٹ کیا، بولرز نے درمیانی اوورزمیں دباؤ برقراررکھا جس کی بدولت انگلینڈ بڑا اسکور کرنے میں ناکام رہا۔
میچ کے بعد لیگ اسپنراحمد حسین نے کہا کہ وکٹ اسپنرز کے لیے سازگار ہے اورسادہ حکمتِ عملی کے تحت ڈاٹ بالز کرانے پر توجہ دی گئی۔
انہوں نے کہا کہ ٹیم کے تمام فیلڈرزاچھے ہیں اور رن آؤٹ کے لئے ایک دوسرے سے مقابلہ رہتا ہے اور کہا کہ انہیں موسیقی سے لگاؤ ہے اور روم میٹ کے کہنے پر گانا بھی گاتے ہیں۔