برطانوی شخص نے دو برس قبل پہیوں سے چلنے والا کوڑے دان تیار کیا تھا جس نے تیز رفتاری میں گنیز ورلڈ ریکارڈ قائم کیا تھا، تاہم اب اسی کوڑے دان کی رفتار 66 میل فی گھنٹہ تک بڑھا دی گئی ہے۔
مائیکل وال ہیڈ نامی موجد نے 2023 میں گنیز ورلڈ ریکارڈ توڑا تھا، جب اس نے اپنے تیار کردہ پہیوں والے کچرے کے ڈرم کو 55 میل فی گھنٹہ کی رفتار پر چلایا تھا۔ اس کا کہنا ہے کہ اب اس نے اس ریکارڈ کو بہتر کیا ہے اور کوڑے دان کی رفتار 66 میل فی گھنٹہ تک پہنچا دی ہے۔
مائیکل نے اس موٹرائزڈ کچرے کے ڈرم کا نام “دی جنرل ویسٹ” رکھا ہے، اور اس کا کہنا ہے کہ یہ خیالات اینڈی جیننگز سے متاثر ہو کر آئے ہیں، جنہوں نے 2020 میں 45 میل فی گھنٹہ کی رفتار کے ساتھ اس ریکارڈ کی بنیاد رکھی تھی۔
مائیکل نے اس منصوبے کے لیے سوشل میڈیا مارکیٹ پلیس سے تقریباً 25 ڈالر میں پہیوں والا ایک عام کچرے کا ڈرم خریدا اور اس میں تقریباً 900 ڈالر کی تبدیلیاں کیں۔
ان تبدیلیوں میں ٹو اسٹروک انجن، میگنیشیم گو کارٹ کے پہیے، پچھلا ایکسل، پانچ گیئر والا گیئر باکس، چیسیس، اسٹیئرنگ ڈیمپر اور سامنے کی جانب ایک اضافی پہیہ شامل کیا گیا۔
یہ حیرت انگیز پروجیکٹ اس بات کی عکاسی کرتا ہے کہ تخلیقی ذہن کیسے جدید ٹیکنالوجی اور سادہ مواد کو ملا کر حیران کن نتائج حاصل کر سکتے ہیں۔