کانوں کی صفائی کے لیے اکثر افراد کیو ٹپ (Q-Tip) یا کاٹن بڈز کا استعمال کرتے ہیں۔
کانوں کی صفائی سے ہٹ کر انہیں مختلف کاموں کے لیے بھی استعمال کیا جاتا ہے جیسے کریم یا تیل لگانے یا ایسی جگہوں کی صفائی جہاں تک رسائی مشکل ہوتی ہے۔
ایسا بھی کہا جاتا ہے کہ کانوں کی صفائی کے لیے ان کا استعمال نقصان دہ ہوتا ہے، مگر یہ ایک لمبی بحث ہے۔
تو اس بحث سے قطع نظر کیا آپ نے کبھی سوچا کیو ٹپ میں کیو کا مطلب کیا ہے؟
ویسے تو اسے کاٹن سواب بھی کہا جاتا ہے مگر کیو ٹپ زیادہ مقبول نام ہے۔
اس میں کیو کا مطلب کوالٹی ہے یعنی اس کا پورا نام کوالٹی ٹپس ہے۔
جی ہاں واقعی کیو سے مراد کوالٹی ہے اور اسے Leo Gerstenzang نے تیار کیا تھا۔
انہوں نے مشاہدہ کیا تھا کہ ان کی اہلیہ ٹوتھ پک میں روئی لگاتی ہے اور اسی کو مدنظر رکھ کر انہوں نے 1923 میں ایک کمپنی کی بنیاد رکھی تاکہ کاٹن سواب تیار کرسکیں۔
مگر 1926 میں اسے کیو ٹپ کا نام دیا گیا اور اولین 3 برسوں تک اسے بے بی گیز کہا جاتا تھا۔
بعد ازاں کمپنی نے اسے کیو ٹپس بے بی گیز پکارنا شروع کیا اور بتدریج بے بی گیز کا استعمال ترک کردیا۔
اس کے بعد سے اسے کیو ٹپس ہی کہا جاتا ہے۔