محکمہ موسمیات نے شعبان المعظم کے چاند سے متعلق پیش گوئی کرتے ہوئے کہا ہے کہ یکم شعبان 1447 ہجری بروز بدھ 21 جنوری 2026 کو متوقع ہے۔
محکمہ موسمیات کے مطابق شعبان المعظم کا چاند 19 جنوری 2026 کو رات 12 بج کر 52 منٹ پر پیدا ہوگا، تاہم اسی روز شام کے وقت کراچی سمیت ملک کے کسی بھی حصے میں چاند نظر آنے کا کوئی امکان نہیں۔
ماہرین کے مطابق غروبِ آفتاب کے وقت چاند کی عمر 17 سے 18 گھنٹے کے درمیان ہوگی جبکہ رویت کے لیے چاند کی عمر کم از کم 19 گھنٹے سے زائد ہونا ضروری ہوتی ہے۔ اس وقت چاند کی عمر تقریباً 17 گھنٹے 40 منٹ ہوگی، جو رویت کے لیے ناکافی ہے۔
محکمہ موسمیات نے مزید بتایا کہ 29 رجب کو بھی ملک بھر میں چاند نظر آنے کا امکان نہیں، اس حوالے سے مرکزی رویت ہلال کمیٹی کو تفصیلی رپورٹ ارسال کر دی گئی ہے، تاہم شعبان المعظم کے آغاز کا حتمی فیصلہ مرکزی رویت ہلال کمیٹی کرے گی۔