خیبر پولو فیسٹول: گلگت بلتستان کی ٹیم کی تاریخی فتح پر نگران وزیراعلیٰ گلگت بلتستان کی جانب سے خصوصی مبارکباد
نگران وزیراعلیٰ گلگت بلتستان، جسٹس (ریٹائرڈ) یار محمد نے کپتان شاہ اعظم اور تمام ٹیم کو خیبر پولو فیسٹول کا فائنل جیتنے پر خصوصی مبارکباد دی اور کہا کہ “گلگت بلتستان کی ٹیم نے تاریخی فتح حاصل کی ہے اور ان کی کارکردگی پر ہم سب کو فخر ہے۔
یہ کامیابی نئے سال کا بہترین تحفہ ہے۔ انہوں نے تاریخی جیت کی مبارک باد دیتے ہوئے اس امید کا اظہار بھی کیا کہ گلگت بلتستان کی پولو ٹیم کامیابیوں کے سلسلے کو جاری رکھتے ہوئے شندور پولو فیسٹول میں بھی جیت اپنے نام کرے گی۔ انہوں نے مزید کہا کہ پولو اس خطے کا ہر دلعزیز کھیل اور پہچان ہے اور عوام پولو کے کھیل اور اپنی ٹیم سے خصوصی لگاؤ رکھتے ہیں ۔
نگران وزیر اعلی گلگت بلتستان جسٹس ریٹائرڈ یار محمد نے فتح کو نئے سال کا تحفہ قرار دیا اور امید ظاہر کی کہ گلگت بلتستان کی پولو ٹیم آئیندہ مقابلو ں میں بھی گلگت بلتستان کا نام روشن کرے گی۔
انہوں نے خیبر پولو فیسٹول میں گلگت بلتستان کی پولو ٹیم کی شرکت کو یقینی بنانے اور بہترین انتظامات کرنے پر کمانڈنٹ این ایل آئی اور ڈائریکٹر جنرل گلگت بلتستان سکاوٹس کی کاوشوں کو بھی خصوصی طور پر سراہا۔