گلگت۔
نگران وزیر اعلیٰ گلگت بلتستان جسٹس (ر) یار محمد نے محکمہ خوراک کی جانب سے دیئے جانے والے محکمانہ بریفنگ کے موقع پر گفتگو کرتے ہوئے کہا کہ عوام کو معیاری گندم کی فراہمی بنانا محکمے کیلئے ایک چیلنج ہے جس کو یقینی بنایاجائے۔ فلور ملوں کیلئے محکمے کی جانب سے جاری کردہ ایس او پیز پر سختی سے عملدرآمد کرایا جائے اور پاسکو سے معیاری گندم کی خریداری کیلئے اقدامات کئے جائیں۔
گندم کی پسائی اور عوام کو فراہم کرنے کے عمل کی نگرانی کیلئے مانیٹرنگ نظام کو مزید فعال بنایاجائے۔ محکمہ خوراک کی جانب سے نادرا کے ذریعے ریکارڈ کی ڈیجیٹلائزیشن سے گندم کے بحران کا مسئلہ مستقل بنیادوں پر حل ہواہے جو ایک اچھا اقدام ہے۔
نگران وزیر اعلیٰ نے اس موقع پر دور دراز علاقوں میں بروقت گندم کی ترسیل کو یقینی بنانے کی بھی ہدایت کی۔