سائنس دانوں نے دنیا میں پہلی بار ٹی ریکس کے قدموں کے ایسے مکمل نشانات دریافت کر لیے ہیں جو 6 کروڑ 60 برس سے بھی زیادہ قدیم ہیں۔
نارتھ ڈکوٹا میں ایک اسکول ٹیچر کی اتفاقاً نظر پڑنے کے بعد سائنس دانوں کی ایک ٹیم نے اس خوفناک بالغ ڈائنوسار کے چھوڑے ہوئے تین انگلیوں والے چار بڑے قدموں کے نشانات دریافت کیے۔
ماہرین کے مطابق ہر قدم تقریباً 3.3 فٹ لمبا ہے جبکہ یہ نشانات مجموعی طور پر تقریباً 23 فٹ تک پھیلے ہوئے ہیں۔ تحقیق سے اندازہ لگایا گیا ہے کہ یہ قدموں کے نشانات تقریباً 6 کروڑ 65 لاکھ برس پرانے ہیں۔
یہ نشانات گزشتہ سال ڈائنوسارز کے فوسلز کے لیے مشہور علاقے ہیلز کریک فارمیشن میں دریافت ہوئے۔ ان کی شناخت کولوراڈو کے ڈینور میوزیم آف نیچر اینڈ سائنس اور برطانیہ کی لیورپول جان مورز یونیورسٹی کے محققین نے کی۔
اگرچہ اس سے پہلے ٹی ریکس کے انفرادی قدموں کے نشانات اور کم عمر ڈائنوسارز کے ٹریکس دریافت ہو چکے ہیں، لیکن یہ پہلا موقع ہے کہ ایک بالغ اور چلتے ہوئے ٹی ریکس کے قدموں کا مسلسل راستہ دریافت ہوا ہے۔
اس غیر معمولی دریافت کے تحقیقی نتائج حال ہی میں شائع کیے گئے ہیں۔