کانگو کے اتوری صوبے کے ایک گاؤں میں الائیڈ ڈیموکریٹک فورسز (اے ڈی ایف) کے باغیوں کے تازہ حملے میں کان کنوں سمیت کم از کم 16 افراد ہلاک ہو گئے۔
یہ حملہ سہ پہر صوبائی دارالحکومت بونیا سے 165 کلومیٹر جنوب مغرب میں ممباسا کے علاقے میں مانڈیائٹ گاؤں میں ہوا،۔
ایک مقامی اہلکار جانویر کنیونگی نے بونیا میں نامہ نگاروں کو بتایا کہ بہت سے متاثرین سونے کی کان میں کام کرنے والے ہیں۔ مرنے والوں کی تعداد عارضی ہے کیونکہ آس پاس کے علاقوں میں ابھی بھی حملوں کی اطلاع دی جا رہی ہے۔
یہ حملہ اس وقت ہوا جب باغیوں نے اسی علاقے میں کئی لوگوں کو اغوا کیا۔ واضح رہے کہ اے ڈی ایف کو جمہوریہ کانگو میں شہری آبادی کے لیے ایک بڑا خطرہ سمجھا جاتا ہے۔
سیکیورٹی حکام نے گزشتہ ہفتے ایک رپورٹ میں کہا کہ باغیوں نے جون میں 62 شہریوں کو ہلاک اور 57 کو اغوا کیا تھا۔